الانقلاب علي الديمقراطيه

كلنا علمنا ما حدث في قطاع غزة , طبعا كلنا عارفين ان حماس نجحت بالانتخابات الحرة الديمقراطيه وكلنا عرفين قد ايه كان العالم بيضيق الخناق عليها و اولهم مبارك لكن هل ده مبرر للي عملته حماس هل قتل المسلم للمسلم حلال . هي الحكايه اننا نوافق علي الديمقراطيه طالما احنا ضعاف و اول ما نكون اقوياء ننقلب علي الديمقراطيه هذه الايدولوجيا الخاصه بحماس وما علي شكلتها ( طبعا بلمح للاخوان ) يعني مثلا لو في الانتخابات الاخوان نجحوا يروحوا بعد كده يقتله رفعت السعيد ويقلولك هذا هوا الاسلام هل حماس فرع الاخوان في فلسطين تمتلك صك الغفران وتحاسب من تشاء وتقتل من تشاء لانها مسلمه وكلنا كفره

في الايام القادمه سنشهد اقتحام اسرائيلي بمسانده عالميه لقطاع غزة ولاول مرة في حياتي اؤيد العدو الاسرائيلي في التخلص من حماس لكي يفوق الشعب الفلسطيني المظلوم من قوي الظلام وانا لست مع فتح فا انا اعلم انهم مثل الحزب الوطني النصف لصوص والنصف عملاء ولكن الفاسد ممكن ان نقف ضده ونصلح البلاد ولكن القاتل كيف سنرجع من قتل

حماس و الاخوان وجهاً لعمله واحدة يتاجرون بالدين ويلعبون بالديمقراطيه من اجل الحكم وبعد الحكم ينقلبوا علي الديمقراطيه ويقتلوا ويخربوا باسم الدين حسبنا الله ونعم الوكيل

المزور الاكبر

س : من هوا مزور مصر الاكبر ؟

ج : المزور الاكبر هو الطاغيه مبارك

س : علل لماذا هوا مزور ؟

ج : لان في عهده لم تتم انتخابات واحدة نزيهة

س : ولماذا هوا عنده الاصرار في التزوير ؟

ج : يا فرعون اش فرعنك قال ملقتش حد يلمني

س : واه الحل من وجهه نظرك ؟

ج : الناس تتحرك ولاوني واثق ان الناس بقيت سلبيه

س : طيب هل من حل بديل ؟

ج : ربنا يخده

--------------------------------------

جديد تزوير الشوري 2007 من موقع الاخوان -- اللي يجي منهم فايده

تمتعوا بقوة تزوير مبارك

يعيني علي الرواقه بتتعبوا يبتوع الوطني بس ابقوا اقفلوا الشبابيك واستحملوا الحراحسن ما تستحملونا

وده الكليب التاني

يسلام يواد يرايق هتترقي وتبقي عقيد

وده التالت

المصور ده والله احسن من المارينز

وده الرابع

بيتفشخروا بالي يعرف يزور اكتر

وده الخامس

بلطجيه الحزب الوطني

نشوف بقي كان فيه ايه بره اللجان

وده السادس في اوسيم

وده السابع في الدقهليه

يجدعان حد يشوف لنا واحد بركه يفقع المزور ده دعوة تجبلوا عزرائيل يخلصنا

انظروا ماذا فعل كلاب مبارك

انظروا ماذا فعلوا كلاب مبارك بالدكتور ايمن نور

هل هذا جزاء من يريد الحريه هل هذا عقاب من احب وطنه واحب ان يساعد وطنه الويل للطاغيه مبارك فلن يرحمك التاريخ .

هل من تعليق علي هذه الصور انا اظن ان الصور كافيه بدون تعليق

يسقط الطاغيه مبارك وتحيا مصر حرة من الفاسدين

مخبر الجمهوريه

شفتم مخبر الجمهوريه كاتب ايه عن الدكتور ايمن نور كاتب انه مزور وعميل انتم عارفين مخبر الجمهوريه اللي اسمه محمد علي ابراهيم كلب من كلاب مبارك المخلصين
انا عارف ان اغلبكم مشفش محمد علي انا هوصفهلكوا هو عجل من كتر السرقه وريحته وسخه وراجل قرني من الاخر
وانا بدعوا كل واحد بيحب الدكتور ايمن نور ويحب يسانده في محنته يوعي الناس اللي حوليه متشتريش الجريده الصفراء اللي اسمها الجمهوريه عشان العجل يبقي يقراء لنفسه بس

وده لينك مقاله الوسخ زيه
http://212.103.160.28/algomhuria/2007/06/08/editor/detail00.shtml

لا للنقاب

انا عارف ان هتكلم في موضوع هيجبلي وجع قلب وشتيمه من الناس المتطرفه اللي عملين نفسهم هما شرع الله في الارض ويكفروا برحتهم ويشتموا برحتهم وفي الاخر فاكرين ان ده هوا الاسلام وغيرهم كفرة

انا هتكلم عن النقاب والتخلف ودعوة الرجعيه باسم الدين

ملحوظه اللي بيحب يفهم ويشغل دماغه يكمل الموضوع اللي شايف نفسه متسلط ومتشدد ميكملش ويريحني

هل الاسلام عسر انظروا للفيديو القادم وقلولي رايكم

هل هذا هو الاسلام

الفيديو الثاني لجماعه الامر بالمعروف بالسعوديه وجدت امرة سعوديه غير منقبه فماذا فعلوا انظروا

هل الاسلام دين تعصب وهل النقاب بالعافيه

قبل بقي ميجيلي الناس بتوع التكفير طبعا انا عارف ان اهدر دمي واتشتمت من الناس اللي فاكرة نفسها هما بس المسلمين وكمان في اللي هيقول ده مسيحي او يهودي بصراحه انا بقول اللي في ضميري و قناعتي ليس كما يري الجاهلون والمتعصبون وده فيديو برائ الدين للدكتورة سعاد صالح استاذ بكليه الازهر

هذا هو راي الدين

بعد كده اللي مش عجبه بعد رائ الدين يشرب من البحر ويروح لشيوخ الفتة يفتوا له باللي هوا عايزة انشالله يفتوي بتنقيب الرجاله . ونعم للاسلام المعتدل و نعم للحشمه ونعم للحجاب ونعم للوسطيه
ولا للتخلف و الرجعيه و الاستبداد والارهاب الفكري

اشمعنا

رفضت محكمة جنايات القاهرة الخميس 31-5-2007 الإفراج الصحي عن المعارض المعتقل منذ أكثر من عام أيمن نور. واعلن رئيس المحكمة عادل عبد السلام جمعة رفض طلب نور إخلاء سبيله لأسباب صحية ، دون ذكر الأسباب.وكانت هذه المحكمة نفسها حكمت على نور في ديسمبر2005 بالسجن خمس سنوات

طيب اشمعنا الدكتور ايمن نور يتحاكم قدام نفس المحكمه ونفس المستشار اللي اسمه عادل عبدالسلام

ولو كنت فاكر نفسك يا مبارك انك بتشفي غليلك من الدكتور ايمن نور اعرف ان المنصف هيكون التاريخ لانك هتكون في مزبله التاريخ واعرف ان الظلم مش هيدوم ونهايتك قربت قووووووي لهتموت بأذن الله او الشعب هيرميك في الزباله ولو كنت مطمائن ان الشعب سلبي فان شاء الله عزرائيل مش هيسيبك ابقي جيب بقي لعزرائيل عادل عبدالسلام يمكن يحوش عنك ياديكتاتور العصر الحديث . يارب صحي الشعب . يارب فوقه . يارب رجع لمصر حريتها من هذا الديكتاتور . يارب اقتل الخوف من قلوب المصريين . يارب ساعد مصر لأن تكون للمصريين

الوعي

الاحزاب في مصر احزاب ورقيه هشه لا يوجد لها قاعده من الجماهير ضعيفه بما فيهم الحزب الوطني ( فجمهور الاهلي اكبر من جمهور كل الاحزاب مجتمعة ) لكن لنعلم بصراحه عن الاسباب

اولا الحزب الوطني : علي مدار ثلاثين سنه والحزب الوطني يضعف الحياة الحزبيه ويقنع الاحزاب انها دورها كومبارس للحياة السياسيه والحق يقال ان اكثر من حزب حاول الخروج من سيطرة الحزب الوطني ولكن مصيرة كان التوقف والفشل مثل ( الاحرار والناصري والغد ) كلهم تم القضاء عليهم سياسياً منهم من وقف ومنهم من دبر فيه انشقاقات ومنهم من سجن رئيسه

ثانيا : الوعي السياسي : انا لا احب المجاملات وقول الكذب والذين يرودوا ان الشعب المصري شعب واعي ومثقف يعلم جيدا انه كاذب اذا نزلت الشارع وسألت شاب قلتله اه الفرق بين الليبراليه والاشتركيه هيقلك الليبراليه معرفش ويمكن ميعرفش ينطقها تاني وراك اما الاشتراكيه هيقلك ده كفر الوعي الثقافي غير التعليم نحن شعب غير مثقف وهذه حقيقه ونمو الجماعات التي تدعوا للتفرقه بين المجتمع سببها عدم وعي الناس والدليل موجود في الشارع من تصديق الخرافات و التبرك بالشجر عشان محفور عليها اسم الله وفي الاخر تطلع واحد عملها ولي يروح يلسع لسانه عشان يعرف الحقيقه والاعمال والسحر والشعوذه

ثالثا : ثقافه الخوف : من الملاحظ انك لو كلمت اي مصري عن السياسه هيقلك الحيطان ليها ودان وهيخاف وكانه بيشتغل في المخدرات وده نتيجه جهل بحقوقه وارهاب دوله متمثله في وزارة الداخليه وتلاقي الظابط عندنا ماشي في الشارع يشخط في اللي يعجبه ويبلطج وميدفعش اجرة للسواق وكمان ممكن يتحانق معاه وياخده علي الاسم بتهمه عقيمه اسمها اشتباه

طيب اه الحل : احنا غلبنا في النظام الفاسد انو ممكن يحل مشكله الحل في الثقافه والوعي لازم نعترف اننا شعب غير مثقف ولا يملك وعي سياسي لان علاج المشكله لن يتم الا بمصارحه انفسنا فبمجرد النظر لكم كتاب يباع في مصر وما اوجه استخدام الانترنت وكم فرد منتمي فكريا لحزب سيعرف اننا شعب غير مثقف للاسف وهذه ليست اهانه للشعب المصري فانا منهم ولكنها مصارحه للنفس علي امل تغير الوضع ومن اجل التغير للوضع الحالي يجب ان

اولا : حملات توعيه للمواطنين بالحقوق و الوجبات علي ان تكون تابعه لهيئات مستقله حتي لا توثر علي الناس بالسلب او الايجاب ولكن تكون توعيه وتعريف بما هي حقوق المواطن

ثانيا : قتل الخوف وهذا لم يتم الا بالتوعيه لحقوق المواطن

اذا الحل في مشكله مصر هي حاجه واحده بس

الــــــــوعـــــــــي

صدق او لا تصدق

بمناسبه الامتحانات حبيت افرجكم علي امتحانات المحروسه وانا احط شويه ملاحظات

اولا : الامتحان مكون من ثلاث اساءله منهم اتنين عن مبارك

ثانيا : ده امتحان تربيه فنيه ازاي دخلوا مبارك في التربيه الفنيه ولا يمكن مبارك دافنشي

ثالثا : اجبار الطلاب علي قول نعم لمبارك و رسم مظاهرات تاييد لمبارك هذه هي الديمقراطيه

و بعد ده كله بتسالوا هم الناس زهقت من مبارك ليه

لو كنت فيفي عبده

عبد الوهاب المسيري مؤلف موسوعة اليهود و اليهودية و الصهيونية أحد أهم العمال الموسوعية العربية في القرن العشرين

ولد عبد الوهاب المسيري في مدينة دمنهور في مصر في أكتوبر عام 1938 م، تخرج من كلية الآداب عام 59، وحصل على الماجستير في الأدب الإنجليزي المقارن من جامعة كولومبيا بمدينة نيويورك بالولايات المتحدة الأمريكية عام 1964، وعلى الدكتوراه من جامعة رتجرز بنيوجيرزي عام 1969. صدرت له عشرات الدراسات والمقالات عن إسرائيل والحركة الصهيونية ويعتبر واحداً من أبرز المؤرخين العالميين المتخصصين في الحركة الصهيوينة.
في يناير 2007 تولى الدكتور المسيري منصب المنسق العام للحركة المصرية من أجل التغيير (كفاية) تقدم الدكتور عبد الوهاب المسيري الي وزارة الصحة للعلاج خارج الوطن علي نفقة الدولة نظرا لإصابة العالم الكبيربسرطان في الدم يحتاج لعلاج خارج مصر وكان المسيري اجري عملية تغيير دم قبيل اكثر من عامين علي نفقة احد الامراء في العائلة المالكة السعودية بعد ان تنكرت له الحكومة المصرية ايضا في طلب مماثل وهنا عايز اعرف سبب رفض الحكومه المصريه لعلاج العالم الكبير عبدالوهاب المسيري , هل لانه معارض , طيب وياتري اه الموقف لو كان بدل عبد الوهاب المسيري كانت فيفي عبده اللي تعبانه , اكيد كان الطاغيه مبارك هيدخل بنفسه . حسبنا الله ونعم الوكيل

حقيقه الكوبري بين مصر والسعوديه

أشارت صحيفة الأهرام المصرية اليوم الأحد 6-5-2007، إلى أن العاهل السعودي الملك عبد الله بن عبد العزيز سيضع حجر الأساس للجسر، خلال زيارته للمنطقة الشمالية الأسبوع المقبل.

وكمان اشارت الصحف السعوديه لنفس الخبر وده صحف قوميه يعني مش بتقول بمزجها لازم يكون جالها تعليمات من امن الدوله ، طبعا موضوع الكوبري ده اخد وقت كبير في الدراسه وبدا التنفيذ فجاءة طالعنا مبارك ( قصف الله عمره ) في جريده المساء بان الكوبري ده اشاعه ومش كده وبس ده كمان قال انا مش هيسمح بالكوبري ده لانه بيضر بشرم الشيخ ( وطبعا مبارك قاعد في شرم الشيخ ومش عايز ازعاج ) طيب ياتري تعرفوا ان الكوبري هيبعد عن شرم بمسافه 48 كيلو هل الشملول مبارك مش عارف يإمن مدينه شرم الشيخ ومعاه48كيلو ممكن يستغلهم في عمليات التامين طيب ليه مبارك رفض انا هشرحلكم صحيفه هارتس الاسرائيليه اتكلمت عن الكوبري ده وحظرت من مخاطر الكوبري ده وقالت انه هيضر باسرائيل لانه هيعطل ميناء ايلات بالكامل لانه هيكون تكلفته ارخص واوفر وثانيه خطوط البترول اللي بتعدي علي ايلات وتروح اوربا هتتلغي لانها هتتنقل الي خطوط تحت الكوبري ثالثا ده هيسبب الي تنميه حقيقيه في سيناء وممكن يكون درع بشري ضد اي عدوان اسرائيلي قادم وهيزيد من تعداد الكثافه السكانيه في سيناء

سؤالي هنا للدرجه ده يا مبارك خايف علي زعل اسرائيل منك مش انت اللي بيقولوا عليك كلابك انك عنيد ومع مصالح الوطن اي كانت المخاطر ولا اسرائيل بقيت خط احمر يا مبارك اتقي الله فينا , البلد خربت والناس بتتفرج حسبنا الله ونعم الوكيل

من القادم

اصبح السؤال عن من القادم في مصر يمثل استفاهم كبير وهذا ما تريده السلطه حتي لا يتم حرقه اعلامياً كما حدث مع جمال مبارك فصبح البعض يردد من الممكن ان يكون علاء طالما جمال مش هيمسك والبعض اتجه ل صفوت الشريف واخرون ل فتحي سرور ولكني اتوقع شي مختلف اتوقعه انسان بعيد عن الاضواء ومقرب جدا من السلطه وهوا اول رئيس مخابرات الناس تعلم اسمه وتعرفه هو عمر سليمان هذا الرجل الغامض الملم بذمام البلد في اكثر من معركه فهو المسيطر لقضيه فلسطين وهو صاحب الفضل في سلامه الرئيس من اغتيالات اديس بابا لان هو الذي نبه الرئيس ان يستخدم عربيه مصفحه وهوا المقرب جدا من مبارك لدرجه انه شاهد علي زواج جمال مبارك وكمان صاحب كريزما يفتقدها مبارك نفسه وصاحب قبول شعبي نوعاً ما و صاحب حضور اعلامي ضعيف وهذه بعض بياناته


اسم العائلة: سليمان .
الاسم: عمر محمود سليمان .
تاريخ الميلاد: 2/7/1935م .
الجنسـية: مصري

. الديــانة: مسلم .
الحالة الاجتماعية: متزوج . عدد البنات: ( 3 ).
تاريخ الترقي إلى رتبة لواء: 1/1/1984م.
المنصب الحالي: رئيس جهاز المخابرات العامة المصرية .

وياتري مخبي يازمن اه لمصر , ربنا يستر

شويه فرفشه

انا عارف ان انا شيلتكم الهم كتير قلت اخترلكم شويه فيديوهات فرفشه

للمحروس جمال وهوا بيكلم عن الانطلاقه العشرة



عادل امام ممثل السلطه ام الشعب ؟



عمرو اديب في الاستفتاء



اعضاء مجلس الشعب بيطلبوا اعفاء جمركي للعربيات بتعتهم

الحكومة فوق القانون

عجبي عليكي يا مصر

اذا كنت تريد ان تعيش وعندك كرامه في مصر فخليك علي اتصال مع المحامي بتاعك دائما كما قال لنا فتحي سرور ( المشهور بفتحي موافقات ) فعلا فهذا حال مصر الان

يعني عايز تعيش في مصر لازم تكون راجل بتاع مشاكل لكده لتاخد علي افاك لان انت في بلد لا تحترم القانون والله بقيت حاجه تحزن بتلاقي في المحاكم الناس بترفع قضيه علي اشياء معروف بها الحق من الباطل لكن حكومتنا واكله الحق والباطل واحد يرفع قضيه عشان مصلحه الضرائب بتقول انه بيوزع 40 مليون نسخه ( قضيه جريد صوت الامة ) بزمتكم مش حاجه تضحك , ولا تلاقي الاخوان رفعين قضيه عشان المحاكم العسكريه للمدنيين واظن انها مش محتاجه قضيه باي قانون يحاكم المدني حكم عسكري اذا كان الجاسوس بيحاكم في القضاء الطبيعي سبحان الله , وتلاقي الدكتور ايمن نور رافع اكتر من قضيه وكلها لاشياء القانون حاكم فيها مش محتاجه قضيه اصلا مثل الكتابه في السجن واظن ده ابسط حقوقه خشوا اللينك ده وقلولي رايكم ده شويه من القضايا اللي الدكتور ايمن نور رفعها مطالبه بحقوقه

http://www.elghad.org/modules.php?name=Content&pa=showpage&pid=24

وفي التوقيت اللي كل واحد بيرفع قضيه عشان حقه وينتظر سنين للحكم وسنين للطعن نلاقي اللي بياخد الحقوق مش بيرفع ولا نيله عملها بلطجه زي احاله المدنيين للمحاكم العسكريه كان المفروض الحكومه هي اللي ترفع قضيه وتطلب تحاكم فيها المدنيين محاكم عسكريه مش بلطجه و اعلي ما في خيلكم اركبوه , ومنع الكتابه للدكتور ايمن برده مش بلطجه , لكن هنعمل ايه احنا في دوله لا تعترف بالقانون والحكومه في القانون ولو القانون حكم للشعب برده الحكومه بلطجيه ومش هتنفذ والامثال كثيرة كام معتقل واخد اكتر من عشر مرات براءة و وزارة الدخليه بتبلطج , متي سيحترمون القانون , وهل من احد فوق القانون .

الكرسي

طبعا مبارك رفض تعديل الماده 77 عشان كده انا طبعا بحثت عن سبب رفض مبارك هل هوا يريد ان يجلس الا ما بعد المائه عام فوجدت نفسي ظالما في نهايه الامر لماذا لن الرجل رفض تعديل الماده 77 لاسباب خارجه عن ارادته وهشرحلكم ليه ثبت في العلم الحديث ان الجلوس علي الكرسي اكثر من يوم يصنع نوع من انواع التجانس بين الموخرة والكرسي ومن الصعب فض هذا التجانس ولذلك انا اقتراحي اننا نضع بند بالدستور ان يكون الكرسي من التيفال ( عشان ميعملش تجانس ولا يلزق ) وان يفضل ان نضع عليه شويه زيت ( الاحتياط واجب ) ويريت في الاخر نحط صابونه ( عشان لو القاعده طولت نعرف نزحلق بيها ) وياريت اقتراحي ده يلاقي اهميه انا واثق انه هينجح ونص كمان

طلب مصر الحصول علي عضوية المجلس الدولي لحقوق الإنسان؟

فاهمين حاجه والله العظيم انا مش مصدق مصر تطالب بعضويه المجلس الدولي لحقوق الانسان طيب ونبي هيدوهالك يا حكومه مصر علي اساس ايه التكييف اللي حطاه للمساجين ولا تحويل المدنيين للمحاكم العسكريه ولا ممكن عشان حبس الصحفيين اوحبس المعارضين ولا ممكن عشان الامن المركزي اللي بيضرب المتظاهرين ولا ميكنش عشان اعتقال المواطنين ولا يكون بسبب التعذيب اللي اصبح مش محلي بس لا ده بقي كمان الدول اللي عايزة تعذب تبعت لنا واحنا في الخدمه

والله ده احلي نكته سمعتها ال ايه الحكومه عايزة عضويه للمجلس القومي لحقوق الانسان طبعا هنشوف صور لمبارك وهوا بيحمي اطفال الشوارع وسوزان وهي بتلبسهم البمبرز وجمال قاعد يعيط عليهم طبعا الفيلم ده لزوم الفشخرة

والله انا مش عارف الحكومه ده بجد عندها مخ وبتفهم ولا بتستعبط

مصر بتصحي ياريس واصبر لحد متفوق انشاء الله هتعدمك بس علي ايد رجلتها مش محتجين احتلال وليك عليا اجي واعمل بي بي علي قبرك انشاء الله ومتفتكريش ال بي بي حاجه وحشه انا قصدي اسقي الزرع

سلامات يحقوق الانسان وشوبش للي ميصلي علي النبي

النصاب مبارك يلعب بالقانون

كما كان متوقعا من نظام بوليسي همجي مثل نظام مبارك، فقد تحدى النظام اليوم حكم محكمة القضاء الإداري بمجلس الدولة القاضي بوقف تنفيذ قرار رئيس الجمهورية بإحالة اربعين من قيادات الإخوان المسلمين من الأكاديميين ورجال الأعمال للمحاكمة العسكرية باعتبار القرار يتناقض مع الدستور المصري والتزامات مصر الدولية.فقد قام النظام –كعادته- باستئناف الحكم أمام محكمة الأمور المستعجلة والتي حددت جلسة 19 مايو للنظر في القضية ، رغم أن النظام يعلم أن المحكمة ليست ذات اختصاص للنظر في أحكام قضاء مجلس الدولة ، وأن الطعن على أحكام المحاكم الإدارية لا يكون إلا أمام المحكمة الإدارية العليا وأن الطعن لا يوقف التنفيذ . بل هكذا يتعامل نظام مبارك مع القانون، معاملة الخارجين عليه، ومعاملة البلطجية الذين يريدون الاحتيال على تنفيذ الأحكام والتلاعب بها .. وهو أمر يضرب في الصميم أي مشروعية لهذا النظام الذي يدوس على كل القوانين ويرتكب الحماقات ويلجأ لأساليب المهاترات التي لا تليق بمحامين يعملون على نواصي الشوارع.

طيب سؤال اخيرالي متي يا طاغيه مبارك تلعب بالقانون

ولماذا الشعب خانع نحن الشعب الوحيد الذي يقبل الانتحار علي الثورة

انصروا للحق احتجوا علي الظلم افيقوا يا شعب مصر لقد مر الكثير وانتم نيام

يحيا العدل

مازال بمصر الشئ الوحيد الذي يستحق التقدير الشئ الوحيد الذي نحتمي اليه كل المصريين لنصرة الحق وهم القضاء هم من لا يخافون غير الله هم من ينصرون الضعيف و يقف امام الظالم فتحيه وتقدير لرجال القضاء الشامخ الذي وقف امام الطاغيه مبارك التحيه لهذا القضاء الذي يسعي من اجل هذا الوطن وليس من اجل رضاء الطاغيه مبارك التحيه والتقدير للقضاء

حكم تاريخي يشكل صفعة علي جبين نظام الطغيان في القاهرة قضت محكمة القضاء الإداري بمجلس الدولة بقبول الطعن المقدم من 33 من معتقلي الإخوان المسلمين ضد إحالتهم للقضاء العسكري وبوقف قرار رئيس الجمهورية بتقديمهم للمحاكمة العسكرية

الله اكبر .. الله اكبر

اين كلاب السلطان الذين كانوا يهللوا للطاغيه وهوا يحيل المدنيين للمحاكم العسكريه اين المخبريين المدعيين انهم صحفيين اين الطاغيه ليرد لماذا فعل هذا لماذا يحيل المدني للقضاء العسكري ومن اولي بالمحاكمه ومن الخطر لإمن البلاد هل الشاطر ام عز (محتكر الحديد والسبب في انهيار سوق البناء وغلاء اسعار السكن في البلد) اين حمرة الخجل لا يقل احد انهم اخوان ويستحقوا .. انا ضد الفكر الاخواني والديني ولكن ارفض قمع الفكر ارفض الاعتقالات ارفض ان نحيل مدني لمحاكم عسكريه ارفض الظلم و لنجعل الشعب هوا الحكم نجعل الديمقراطيه تطبق ويختار الشعب ما يشاء الحريه للشعب المصري الحريه لكل مصري (اخواني او ليبرالي او يساري او شيوعي او اي شئ كان) المهم انهم مصريين

الحريه لمصر الحريه لمصر

يحيا القضاء يحيا العدل

الي الجحيم يا مبارك

الي مزبله التاريخ يا طاغيه العصر الحديث

الديمقراطيه هي الحل

( عشان الاخوة المتاسلمين ميعدوش يقلولي الديمقراطيه من الكفر والضلال وانت كافر يا ابن زليخه بطلب منهم في بدايه المقال استعمال العقل وانا اثق انهم لم يستعملوا لانه ضد اهم مبدئ من مبادهم وهوا السمع والطاعه للمرشد العامه ولي امر البلاد )0

اولا : لماذا اخترت الديمقراطيه هي الحل ومقلتش الاسلام زي عمنا مهدي عاكف : لان الاسلام حمال اوجه كما قال سيدنا علي انا مش بقول ان الاسلام متناقض ارجوكم المنطقه هنا خطر مش عايز حد يقولني كلام مش بقوله انا بكلم علي الاسلام السياسي وليس عن الدين الاسلامي . طيب ليه الاسلام حمال اوجه لانه ممكن في قضيه واحده نشوف فتويتين عكس بعض مثل الخروج علي الحاكم ممكن شيخ يفتي ويقلي ( قال الله تعالى : { يَا أَيُّهَا الَّذِينَ آمَنُواْ أَطِيعُواْ اللّهَ وَأَطِيعُواْ الرَّسُولَ وَأُوْلِي الأَمْرِ مِنكُمْ } او يقولولنا طاعه الحاكم الظالم خير من الفتنه ) وممكن نجيب فتوه تانيه عكس الكلام ده ( ملحوظه للمرة الالف انا بكلم عن الاسلام السياسي والمثال برده سياسي ) وواحد تاني يقلي ( فعن عطية عن أبي سعيد قال: قال رسول الله صلى الله عليه وسلم : «أفضل الجهاد كلمة حق عند سلطان جائر». وعن أبي أمامة قال: «عرض لرسول الله صلى الله عليه وسلم رجل عند الجمرة الأولى فقال: يا رسول الله أي الجهاد أفضل؟ فسكت عنه، فلما رمى الجمرة الثانية سأله، فسكت عنه، فلما رمى جمرة العقبة ووضع رجله في الغرز ليركب قال: أين السائل؟ فقال: أنا يا رسول الله، قال: «كلمة حق تقال عند سلطان جائر» ) ايهم نتبع الان هل الان عرفت ما معني ان الاسلام حمال اوجه كما قال سيدنا علي كرم الله وجه عشان كده انا بطالب بالديمقراطيه في الحكم وتداول السلطه ورفض الاحزاب علي اسس دينيه او عرقيه ( انا طبعا مش بايد نظام الطاغيه مبارك لان مبارك مقسم البلد علي اسس بنكيه ) لان مين يرضي يشوف في مصر صراعات بين مسيحي ومسلم علي السلطه او بين بدوي ونوبي وقاهري علي السلطه هل هذا ما يرضي المتاسلمين الفتنه نائمه ولعن الله من ايقظها .

ممكن واحد يسالني طيب محنا عندنا ديمقراطيه هقله ابسط قواعد الديمقراطيه هي تداول السلطه هل مبارك بعد 25سنه ومش هيسبنا طالما قلبه بينبض ربنا يوقفهولوا يعرف حاجه عن تداول السلطه ( بيني وبينكم هوا يعرفه بس من نوع تاني تداول السلطه من محمد حسني مبارك الي جمال محمد حسني مبارك )0

واحد هيقلي انت كده متناقض ازاي تقول ديمقراطيه وتقصي المتاسلمين : هقله انا مش بقصيهم خليهم يحطوا برنامج واضح وصريح وموقفهم من الاقباط والمراة ويتعهدوا لنا انهم لو حكموا لن ينقلبوا علي الديمقراطيه ولن يكونوا لنا ميليشيات ضد الدوله كما في ( العراق و الصومال و لبنان ) وان يحترموا اراده الشعب وعقله ( والله انا بسال واحد منهم عيزين نحل مشكله البطاله نعمل ايه تصدقوا قلي رد خلاني كنت هضربه بيقلي نقعد النساء في البيوت ونشغل الرجال لان تزاحم النساء علي الوظائف هو سبب الازمه طيب اقوله اه استخسرت ارد عليه والله ) ويحكموا بعدها ويورنا بس انا واثق ان الشعب اكثر ادراك من انوا يمسكهم الدوله

طيب واحد هيقلي طيب هنطبق الديمقراطيه ازاي في وش نظام فاسد هقلكم كل واحد فيكم يتحرك علي قد ما يقدر ارفضوا الخوف والخنوع والذل قولوا ولو مرة واحده ( لا ) بصوت عالي اطلبوا حريتكم من سجن مبارك واعرفوا ان المستقبل هينعت الحاكم والمحكوم علي سكوته والله الموفق

التوريث السياسي

كلنا عرفنا خبر جواز جمال مبارك وبعضنا سمع الحديث اللي قاله لقناة اوربت وقال انه مش بيفكر يرشح نفسه للرئاسه ولا حتي لمنصب قيادي هوا مش عايز اكتر من الدور الحزبي طبعا ده مش اول مرة ينفي فيها مشروع التوريث بس المشكله هل الناس هتصدق واحد من السلطه او الحزب والناس عارف انهم معجونين بالكذب ويما اضحك عليهم وبالنسبه للتوريث انا لي رائ مختلف انا اري ان التوريث ليس بالضروري توريث من اسرة واحده مثلا انتقال السلطه من عبدالناصر الي السادات الم يكن توريث لرجال الثوره وانتقال السلطه من السادات لمبارك الم يكن توريث لرجال الحزب والسلطه لماذا ننظر للتوريث من ناحيه الاسرة الواحده فقط التوريث موجود في مصر والخوف ان يظل لان رجال السلطه يعلمون علم اليقين ان لم يتم التوريث لرجل من نفس السلطه او الحزب سينكشف فضائحهم والخوف هنا

لذلك يوجب التوريث وان لم يكن جمال سيكون وريث اخر من نفس السلطه والسؤال هنا اين الحل ؟

ماذا يفعل المصري ليوقف هذا المخطط المستمر منذ قيام الثورة .

ساضع الحل من وجه نظري في المقاله القادمة .

اسرائيل البريئه

حكومتنا الرشيده بدات تبرئه اسرائيل والدفاع عنها كمان ضد ظلم وافتراءات الشعب المصري

خطاب الصليب الأحمر الدولي لفتحي سرور : سجلاتنا خالية من أي دليل علي قتل إسرائيل للأسرئ بشهادات لعسكريين مصريين تنفي ذبح زملائهم وده الخبر الموجود في الجمهوريه يوم 2/5وبكده تبقي توته توته خلصت الحدوته حلوة ولا ملتوته وبلاش بقي يا مصرين توجعوا رسنا وتدخلنوا في كلام فاضي اه يعني مات منكم 100 ولا 200مهي العبارة بتموت ب 1300وبتسكتوا جيين دلوقتي وتتعبوا دمغنا وبعدين احنا مش بنحب نزعل اصدقاء اللي في اسرئيل وهنروح بعيد ليه هما ال 3اللي ماتوا علي الحدود من سنه حد قدر يفتح بوقه سياسه مبارك الرشيده الحكيمه خلت اسرائيل تعدي من كل الازمات واريد ان ارسل برقيه شكر للرئيس مبارك واكتبلوا فيها ربنا يخدك يبعيد ويهدك . احه وصلت لدم شهدائنا اه الاهانه ده للدرجه ديه تهون علينا نفسنا كله الا الشهداء يمبارك يا ظالم لو ابنك اللي مات هتعرص زي مبتعرص لاسرائيل يمبارك خلي عندك دم وقول لكلابك الصحفيين عيب الكلام ده اللي بتكتبوا يعني عايز تفهني اسرائيل تنشر فيلم مصور وانت تجبلي شهادات مش عارف منين وتقلي محصلش . بجد احا هوا انت مش بتحس يراجل اتكسف علي دمك ده اسرائيل بتاخد تعويض من المانيا لحد النهارده بسبب هتلر . ده اسرائيل هدت لبنان عشان جنديين وانت اللي يموت علي الحدود في داهيه وفي العبارة في داهيه وفي حودث الطرق في داهيه والامراض في داهيه يشيخ روح انت في ستين داهيه ارحم ابونا ربنا يخدك دانت حاجه تقرف دانا كل ما افتكر انك رئيس بلدي بحس اني عايز ارجع

وده لينك الجمهوريه اللي بتبراء اسرائيل بتاريخ 2/5الاربعاء

http://212.103.160.28/algomhuria/2007/05/02/fpage/detail01.shtml

وفاء وتقدير

هذا المقال تضامني مع رمز الحريه مع الطير الحبيس مع من ضحي بحريته من اجل حريتنا مع الدكتور ايمن نور و اطلب من كل مصري الدعاء له وان يتم الافراج عنه يوم 22مايو الافراج الصحي نظراً لسوء حالته الصحيه شفاه الله وامرض من حبسه قولوا امين واطالب من كل مصري تذكر رجل وقف ضد الظلم في وقت قلت فيه الرجال رجل طالب بحريه وطن من مغتصبيه رجل بمعني الكلمه التحيه والتقدير والعرفان بالجميل لك يادكتور ايمن نور والخذي والعار للظالم والتاريخ سينصرك انشاء الله وفي نهاية كلامي اطلب من الشعب الخانع الساكت الذليل الضعيف ان يقول كلمه حق في وجه سلطان جائر ان يردد معي ( فليسقط الديكتاتور .. فليسقط مبارك .. فلتحيا مصر .. تحيا مصر )0

تم الافراج

تم الافراج عن المعتقلين من اعضاء مجلس الشعب

رضخ نظام مبارك لتلك التهديدات واجبر تحت ستار فضيحة دولية تسبب فيها الاعتقال لنظامه اجبر علي ان يطلق مساء الإثنين 30-4 سراح نائبين برلمانيين ينتميان لجماعة الإخوان المسلمين بعد يوم من اعتقالهما و14عضوًا آخرين بالجماعة في محافظة المنوفية (شمال القاهرة)، في أول اعتقال لنواب إخوان. وقالت مصادر قضائية: إن نيابة أمن الدولة أطلقت صراح النائبين رجب أبو زيد، وصبري عامر، بعدما استجوبتهما كشاهدين، فيما تستمر التحقيقات مع بقية المعتقلين وطبعا الديكتاتور مبارك فرج عنهم لان نواب المعارضه بالبرلمان قرر الاعتصام واللجوء الي البرلمانات الدوليه والعربيه والافريقيه ومبارك خاف من الفضيحه ربنا ما يستر عليه لا دنيا ولا اخره وانا اول ما جالي الخبر الحلو ده قلت افرحكم

اين القانون

ملحوظه ( المقاله ده فيها قله ادب وكلام خارج ولي شايف نفسه انسان مرهف المشاعر يبتعد عنها وميبعتش ليه ويقلي المقاله فيها كلام خارج )0

الحكومه اتجننت والله بكلم جد انا ها حكي لكم اللي حصل وانتم احكموا طبعا كلكم فكرين الدكتور ايمن نور ربنا يفك سجنه ويسجن اللي سجنه ليخده ( بصراحه اصله طول قوي كفايه بقي عليه كده القبر عيزه ) المهم الدكتور ايمن نور اترفعت عنه الحصانه كان يوم جمعه تصدقوا يوم عطله رسميه ومش كده وبس لا ده كمان كان فتحي سرور مسافر ومضاء في المطار وعدلي راح الوزارة يوم جمعه وكمان نقابه المحامين مضت يوم جمعه وكمان البوليس راح فتش الشقه بتعته ومقر الحزب في نفس يوم الجمعه واتقبض عليه برده يوم الجمعه بصراحه اصله كان يوم جمعه مبروك وكان النشاط اللي كلنا عرفينه في الحكومه بتعتنا النشيطه زياده حبتين والنصيبه بقي ان النشاط ده مشفنهوش مع اللي قتل 1300واحد في عبارة الموت لكن نقول اه ربنا اهو قادر يخدهم والله يجماعه انا لو اطول احجز في المقصورة الرئيسيه عشان اشفهم في جهنم متاخر لكن انا املي في ربنا يحقق لي امنيتي .

شوفوا الكلام ده كله قديم طبعا انتم بتقول الواد ده اتجنن ولا ايه هو بيكلم عن حاجه فاتت عليها سنه انا هشرحلكم انا ليه اتكلمت اصل مصر بتطور وانا حولت اقارن بين مصر من سنه ومصر الان ( بعد جواز الشملول ) يعني علي اللي وصلنا اليه لاتقولي يمضوا يوم جمعه ولا سبت بلي وجع دماغ وكلام فاضي احنا دلوقتي مبقاش عندنا حتي احترام للقانون بقي الريس يامر والكلاب تنفذ قبضوا علي اتنين اعضاء مجلس شعب مساء الاحد 29/4 ونواب البرلمان المصري لديهم حصانة ضد الاحتجاز او الملاحقة القضائية ما لم يضبطوا في حالة تلبس بارتكاب جناية و النائبين هما صبري عامر ورجب ابو زيد انا بقي سوالي واضح وصريح يمبارك انت قبضت عليهم تحت اي قانون قبضت عليهم فهمني عرفني يمكن عزرائيل هوا اللي يقبض عليك المرة الجايه عن قريب انشاء الله ازاي تقبض علي عضوين في مجلس الشعب وهما اصلا معاهم حصانه والله انا هتجنن انا قولت يواد يمكن قانون ارهاب بس علي حسب علمي ان قانون الارهاب لسه مطبقش ومتعملش ولا اتصاغ اصلا وكمان القانون ده عملين ينبحوا في صوتهم ويقنعونا انو قانون للارهابيين بتوع المتفجرات مش للمعارضين بصراحه البلد باظت والخراب زاد عن الحد يبشر اصحوا فوقوا البلد اتخربت الراجل ده ولا بيحترم قانون ولا دستور ده كبر وخرف ومش عايز حد يقلي اصلهم نواب اخوان وبتاع يعني ايه اخوان انا بكلم عن قانون ولازم الكبير قبل الصغير يحترمه ولا احنا بقينا في عزبه مبارك وانهي كلامي بكلمه روح يشيخ ربنا يهدك

قاموس مبارك

المراقبه الدوليه للانتخابات : تدخل أجنبى *
القانون الدولى : القوانين الوطنية تجب *

المبادرات الدولية للديموقراطية فى الشرق الأوسط : الآصلاح لا يمكن فرضة من الخارج ولا من الداخل

. المطالب الشعبية للاصلاح : تخريب و زعزعة للاستقرار *

· منظمات حقوق الانسان الدولية : منظمات مشبوهة *
الولايات المتحدة الأمريكية : المتآمر الرئيسى فى مؤامرة تدمير العرب و المسلمين.(واحنا مالناش دعوه)0

اسرائيل : المتآمر المساعد فى مؤامرة تدمير العرب و المسلمين. (واحنا مش عرب ولا مسلمين)0
. المجتمع المدنى : مراكز للجاسوسية *
. المطالبون بالحرية : ارهابيون*

· الناشطون و المطالبون بالديموقراطية: خونة و عملاء لجهات أجنبية *
· حرية الصحافة : حرية شتيمة أمريكا و اسرائيل فقط وغير كده انفلات *
الوطنية : عبوديه السيد الرئيس لانه الوحيد الذي لا يخطي 0
. معونات و تبرعات أجنبية للمجتمع المدنى : ثمن الخيانة *

. معونات و تبرعات أجنبية لزوجة الرئيس و نجلية : تعاون دولى*

· قانون الطوارئ : يطبق فقط على الارهابيين و تجار المخدرات والمسلمون
· تجار المخدرات : شركاء البزنيس لنجلى الرئيس*
· الارهابيون : الاسلاميون *
· الدين : وسيلة لاخضاع الشعب و السيطرة علية و أيضا لابتزاز الدول الغربية *
· الديموقراطية : الفوضى *
· الانتخابات : اذا تركت بلا تزوير سينقض الاسلاميون على الحكم *

· تداول السلطة : مستحيل *
· السلام : تدمير العدو نهائيا *
· الاصلاح : بعد السلام *
· حقوق الانسان : بعد السلام *
· الرخاء : بعد السلام *

· رفعة الوطن : بعد السلام *
· الشفافية : بعد السلام *
· المحاسبة : بعد السلام *
· العدالة : بعد السلام *
· التمية البشرية : بعد السلام *
· المال العام : مال الحاكم وبس ولو اتبرع للشعب بحاجه يبقي كتر خيره *
· الاقتصاد : النهب المنظم والغير منظم للشله الحاكمه *

الحامي هو الله

والله انا مررتي هتتفقع من اللي بيسموا نفسهم صحفيين وهما عبيد مبارك بالكتير.

نقول اه ربنا يخدهم ليهديهم انا النهارده هتكلم عن عبد من عبيد مبارك اسمه ممتاز القط هو عبد بس مبيعرفش يخدم سيده كويس للاسف غبي عرفين المثل الشعبي اللي عندنا بيقلك جه يكحلها عماها اهو هوا ده بالظبط ممتاز القط كتبلي مقاله بتاريخ يوم السبت 28/4 في اخبار اليوم بتقول من غيرك يحمينا

والله لو سألت بوذي او مجوسي او حتي كافر هيقلك ربنا لكن عبيد مبارك طبعا هيقول مبارك مهو اللي خلقهم واليه يرجعون و في الاخر يقلك العمال كمان بيقولوا كده اخرس يا عبد مبارك دول العمال العبيد اللي زييك اللي بياخدوا تصريح من امن الدوله عشان يحضروا المؤتمر بتاع سيدهم وربهم مبارك لكن عمال مصر في اعتصامات واحتجاجات علي الظلم عمال مصر اشرف من انهم يقول ان اللحميهم مبارك يا عبد مبارك الحامي هو الله وحسبنا الله ونعم الوكيل فيكم يا عبيد السلطان

وده اللينك بتاع المقال الاسود بتاعه

http://www.akhbarelyom.org.eg/akhbarelyom/issues/3260/0101.html

الحزب الوطني ومجلس الشعب

مهما قولت من كلام مش هيعبر عن اللي في الصور لكن نعمل ايه قدرنا ان دول هما اللي يكون في المجلس ويشرعوا القوانين اتفرجوا علي اعضاء الحزب الوطني في المجلس بيعملوا ايه

اخلاص في حب مصر وعمل جاد وتضحيه

السهر علي راحه مصر

يقظه وتفاعل مع قضايا الجماهير

الاخلاص في تنفيذ وعود السيد الرئيس

الفقي اهوا سهران لراحه الشعب وهو ده الفكر الجديد اللي بينادي بيه

وشك نحس يا ريس

وشك بقي نحس ياريس خسرت الاهلي الماتش وكمان اربعه هوا انت مش سيبنا في حالنا ابداً حتي الكورة منكد علينا ربنا ينكد عليك دنيا واخرة علي العموم انا مش قادر اكتب اكتر من كده لاني حزين وكان نفسي متحضرتش يمكن كان ربنا نصرنا لكن هنعمل اه قدرنا وادي الله وادي حكمته بس يارب تكون اخر مرة نشوفك فيها في ماتش وبعدين طالما انت رايس والناس بتحبك زي مبيقولوا كلابك المخلصيين بتحط نفسك ليه في القفص الزجاج ولا يمكن بتشبه نفسك بالاسد منتم الاتنين بتخشوا القفص يريس يا اسد

وراء الشمس

حد شاف حلقات وراء الشمس اللي بسببها حققوا مع المقدمه للبرنامج ورحلوها وراء الشمس انا هاحط ليكم لينكات لكل جزاء

وده الجزء الاول

http://www.el-ma7rousa.com/shows/elma7rousa_jsc_part1.wmv

وده الجزء الثاني

http://www.el-ma7rousa.com/shows/elma7rousa_jsc_part2.wmv

بعد ما حطيت ليكم اللينكات ياريت اللي مشفش البرنامج ينزله ويشوفه ويعرف ان السكوت اصبح جبن والحل هوا الكلام واي حد يتعرض لمعمله سيئه من كلاب الشرطه لازم يبلغ النيابه ويروح للمحامي العام والنائب العام والصحف المستقله واي حته يوصل فيها صوته وميسكتش وميخفش من كلاب الشرطه دول لازم يخدو بالجزمه ده عالم تخاف ولا تختشيش و اقسم بالله دول بيكون كلاب قدام اللي اكبر منهم ودول ناس عندهم مرض نفسي والسكوت بيخليهم يفتكروا اننا ضعفاء و بقول للعادلي ادب رجالتك ليجيلك يوم وتكون في المحكمه النهايه قربت .

العدو الموريتاني

عرفين النهارده هنكلم عن ايه انا عارف ان اغلبكم سمع عنها ومش يعرفها عشان كده حطيت صورتها على الخريطه لكن علي العموم هعرفكم عليها الاسم موريتانيا عدد السكان : 2,912,584 نسمة (2003) نسبه الاميه 51% كفايه كده تعريف ابدا اشرح لكم ليه قلت عليها عدو لانها مفيهاش راجل يحصل علي نسبه 99.9% زي الرجاله و الملوك و الروساء الندامه اللي عندنا بقي الراجل اللي اسمه اعلي ولد محمد فال يتنازل عن الحكم ويعمل انتخابات وكمان ميرشح نفسه ولا حد من القياده العسكريه ولا حتي المحروس ابنه شوف الخيبه وفي الاخر يقولوا انهم عرب احنا متبريين منهم والنصيبه كمان الراجل اللي ينجح ده يحصل علي نسبه 51% اه ده وراحوا فين ال 49% وكمان بعد مينجح يدي المنافس صلاحيات اكتر من رئيس الوزراء ده يعقل بدل ميسجنه يديله صلاحيه ده كان المفروض عشان يثبتوا لينا عروبتهم يلفقوا ليه تهمه حلوة ولا ولسه كمان الا ايه كانوا عيزين حكام عرب يشركوا في التنصيب ده بعدكم احنا بنروح فرنسا بس وممكن السنغال لكن دوله ديمقراطيه وعربيه نحن نرفض وندين وبعدين احنا الحمد لله عندنا راجل رئيس زي الفل عسل بيجيب ال 99.9% من غير اعاده وكمان بيعمل نيو لوك ويسبغ ويتنمجه لزوم الوجاهه وبعدين حكمنا زي الفل راجل طول عمره بيقول كله الا المساس بمحدودي الدخل لحد الحمد لله متخلصنا من كل محدودي الدخل في مصر واصبح عندنا مشكله بسيطه وهما معدومي الدخل بس انشاء الله مع الوقت هيموتوا ويريحونا ونبقي حلينا مشكلتنا بس بجد انا عايز اسال موريتانيا سؤال مبتكسفيش من نفسك وانتي محطوط علي اسمك دوله عربيه دانا لو موريتاني لكنت طلبت اننا نعتزل الجامعه العربيه وعلي العموم يوضع سره في اضعف خلقه وسلام يا عرب انا سيبك ورايح موريتانيا الديمقراطيه

الحزب الوطني والناس

جلست افكر وافكر وافكر لكي اعبر عن ما يفعله الحزب بنا ولاكن وجدت كلام كثير ولم اعرف من اين ابدا ولكن وبعد مشقه وجدت اسهل طريقه لمعرفه ماذا يفعل بنا الحزب الوطني هي صورة ولاكنها المختصر المفيد انظر اسفل

.
.
.
.
.
.
.
.

.
.

الصحافة الارهابيه

انا بجد خلاص هتجنن مبقتش عارف هو ايه اللي مش ارهابي ده انا شكيت في نفسي المهم نخش في الموضوع عمنا فتحي سرور قال في المؤتمر الصحفي المشترك مع الدكتور مفيد شهاب وزير الشؤون القانونية والمجالس البرلمانية، الذي عقد أمس علي هامش المؤتمر الأول لمكافحة الإرهاب بمركز دراسات جريدة «الجمهورية» ـ: إن قانون مكافحة الإرهاب سيطبق علي الصحف أو أي وسيلة إعلام تقوم بنشر الأعمال الإرهابية للجماعات المحظورة. وأشار إلي أن الإعلام سيعتبر مساعداً للإرهابيين في هذه الحالة. طيب ازاي هيساعد بعد ما العمليه الارهابيه تكون اتعملت قولت يمكن يساعد بضمير الغائب اصل حكومتنا نصحه ومتفتهاش النمله وخصوص فتحي موافقات ( نسبه الي كلمه " موافقه " التي لم تتغير من لسانه ) وبعدين نشوف مقاله للمخبر محمد علي بتاع الجمهوريه كاتب لينا ان مقلش الكلام ده وبعدين فتحي مش بيطلع منه العيبه ده راجل مبيعرفش ينام لو حس انو قال كلمه غلط ده تقي وبتاع ربنا وطبعا محمد علي عمل اللي عليه وزياده مهي شغلته تلميع الحرميه مع اني واثق ان محدش بيقراء له غير الوزراء والعائله الملكه المهم انا سمعت الكلام ده قلت الحمد لله الراجل مظلوم هي الجرايد المستقله متصدق جنازة وتشبع لطم وبعدين حصل ما لا يحمد اتاري كان في صحفي من المحور بيسجل اللقاء وفعلا فتحي قال كده اي نعم لسه فتحي مردش واحتمال كبير ميردش ولا يمكن يرد ويقول متفبريك زي شريط عماد الكبير ولا ممكن يرد ويقلنا " ولهذا ولتلك فعلا لاجل وحبذا لو ماذا اذا " وطبعا محدش يفهم حاجه وبكده يبقي عمل اللي بيعمله كل مرة وطلع زي الشعرة من العجينه ولغبط الناس لاكن المشكله مش فيه هو كده كده هيطلع منها ده برده فتحي سرور وهيعمل للكلمه الف معني ده تخصص لغبطه المشكله بعد الخبر والنفي والتاكيد هنسمع كلام مين ومين هنصدقه وبعدين باي صفه اتكلم فتحي سرور امال الترزي اللي كان معاه اللي اسمه مفيد شهاب وزير الشؤون القانونية والمجالس البرلمانية وظيفته ايه ولا هيا بقيت كوسه وكل واحد يكلم علي مزاجه صحيح ما جمال بيكلم عن النووي ونظيف رئيس الوزراء الموقر بيفتتح كباري ( احنا الدوله الوحيده اللي رائيسها و رئيس وزراء بيفتح فيها كباري اظاهر من قلت الفتح ) يناس حرام عليكم ملعون ابو كده ارحموا الناس ربنا يخدكم بقي الرئيس يفتح كوبري ورئيس الوزراء يفتح كوبري اصغر وابن الرئيس يكلم عن النووي وفي الاخر تقللنا مفيش حاجه اسمها توريث ياريت نشوف نظام كل واحد ليه وظيفه مش نظام هز الوسط . سلام يا شعب مصر

كفاية الارهابيه

وانا قاعد باقلب في النت زي كل يوم وبشوف ايه الجديد لحظت حاجه غريبه في موقع الحزب الوطني ( حزب اللصوص ) وجريدة الحزب انا بصراحه مش عارف ابدا منين لكن هقلكم وانتم احكموا اولا في موقع الحزب لقيت عملين تقرير عن سجناء الانترنت والحرية علي الانترنت والشهاده لله لقيتهم كتبين رائ المنظمات العالميه و هي فاضحه حكومة الحزب وبتقول عليه حجب بعض المواقع الإلكترونية ومراقبة الاتصالات علي الإنترنت دون الحصول مسبقا علي إذن قضائي ففرحت انهم ابتدو يحسو ويبقي عندهم دم وده لينك التقرير http://www.ndp.org.eg/ar/News/ViewNewsDetails.aspx?NewsID=18074

وده كمان صورته

انا بصراحه قولت اخيرا الحكومه بقي عندها دم وبعدين كانت هتجيلي جلطه لما شوفت جريدتهم السوداء كاتبالي وبالبنط العريض نظر " دعوي حجب المواقع الإرهابية 5 مايو المقبل " انا شفت كده قلت هما هيقفلوا لينا مواقع بن لادن واعوانه احسن بس مدام هما كده ضد الارهاب وناس محترمين مقفلوش ليه القناة اللي شغاله من النايل سات وعماله تدعوا العراقي يقتلوا في الشيعه قمت قلت يواد ده نكرة وده نكرة اما اكمل قراءة في الجرنال الاسود ده لقيتلك كتبين مالم يصدقوه عقل ال ايه " من أهم هذه المواقع التي يطالب بغلقها موقع الشبكة العربية لمعلومات حقوق الإنسان ومركز هشام مبارك والمرصد المدني وموقع حزب الغد، والنديم، والنور وكفاية. " انا بيني وبين نفسي كان هيجيلي جلطه هي كفايه والغد بقم ارهابيين ينهار اسود يبقي خلاص هيطبق علينا قانون الارهاب الاسود قمت علي طول حطيت ديل الجلبيه في سناني وروحت مقر كفايه شلت اسمي وقلتلهم مش عايز اعرفكم ورحت لمقر الحزب الوطني الشقيق وطلعت اجدعها كرنيه وقمت خارج الشارع وقايل " بروح بالدم افديك يابن سوزان " وده لينك القضيه http://www.ndp.org.eg/alwatanyalyoum/Topics/ViewTopicDetails.aspx?TID=2952

اللي هيحكموا بعدها حركه كفايه و الغد كارهابيين وانا بصفتي من كفاية سابقاً هرشد عن اماكن السلاح والذخيرة والطيران والقنابل النوويه لدي الحركه وسلملي علي الاصلاح وبكده يبقي بداً في تطبيق الدستور الجديد وتطبيق المادة 179 علي الارهابيين من امثال كفاية والغد وكل من يفتح بقه وسلام لحسن بجد والله انا اتعقدت

أنت عارف انا ابن مين

كثيراً ما نسمع مقوله " أنت عارف انا ابن مين " وهذه المقولة انتشرت لعدة اسباب اهمها ثقة الناس ان للوسطه والمحسوبيه دور كبير داخل المجتمع المصري ويا عيني لو اللي بيقلها رفع موبيله وقال يدادي تلاقي الظابط اللي كان شحط من خمس دقائق بقي فرخه وهذه هي الطائفية الحقيقية الموجودة في مصر طائفية الوسطه والمحسوبيه لا يوجد في مصر طائفية دينيه ومن يدعي هذا فإنه لا يعرف المصريين . معني الطائفية هيا تميز طائفة من الناس علي طائفة اخري بالنظر للمجتمع المصري سنجد انه ملئ بالطائفية ليست الدينية اكرر ولكن طائفية " انت عارف انا ابن مين " لان ببساطه العبارة الي غرقت مكنتش راكبها مسحيين فقط أو مسلمين فقط ولكن كان راكبها بالتاكيد فقراء المصريين والقطار كان برده راكبه فقراء المصريين والماء اللي بيجيب فشل كلوي بيشربه فقراء المصريين( الأغنياء بيشربوا مياة معدنية ) و القمح المسرطن كان برده لفقراء المصريين ( الاغنيه عقبال املتكم بياكلوا كيزر وبيركبو الطيارة الخاصة وبيفطرو في باريس ويتعشوا في انجلترا ) ده حتي لو روحت كلية عسكرية هيسالوك بكل بجاحة مين وسطتك في اكتر من كدة تميز وطائفية في اكتر من كده ظلم لطبقة تستحوذ علي 85 في المائة من المصريين كلامي هذا ليس بدافع الحقد علي الاغنياء زادهم الله بس يكون في تساوي بين تعامل الدولة مع الاثنين وللأسف حكومتنا بقيت تخلط السياسه بي البيزنس ويستغلوا سلطتهم خصوصاً ان كل الوزراء رجال اعمال واغنياء جداً واغلبهم لا يعرفوا المصري الحقيقي و جمال بيه مبارك من كبار رجال الاعمال وارصدته بلغت 600 مليون دولار حسب ما قالت مجلات الاقتصاد الامريكيه التي تحترم قراؤها وطبعا في مصر جمال لم ولن يكذب المجلة لان ببساطه تكذيبها يعني ان يعترف بالحقيقة ويفصح عن فلوسه انا اطلب من الشعب ان يتحرك ضد الطائفية التي تقسم الناس علي حسب حسابات البنوك يعني مثلا احمد عز , واحمد المغربي , والجبلي وكتير من اعضاء الحزب الواطي ( غلط مقصود فهو فعلا ليس وطني بل واطي وابن كلب ) وهم في نفس الوقت المتحكمين في اقتصاد البلد هل يصح ان من يحمي البلد هوا المتاجر بيها ولاكن انا استبشر خير لان العمال بدات لهم صحوة قوية واحتجاجات وبدات المطالبة بحقوقهم وربنا معاهم وعقبلنا يارب محنا كمان نطالب ونخده وانشاء الله هنخده تالت ومتلت وسلام يا طائفة الفقراء انا مش فضلكم انتو عرفين انا ابن مين

أين المصريين

حد شاف مصري انا والله بتكلم جد في حد شاف واحد مصري انا بقالي سنين مش لاقي ولا مصري كل اللي قدامي خيال مإته لايمكن من نراهم في شوارعنا مصريين لايمكن هؤلاء الناس هم من قاموا بثورة 19 او حتي حربوا اكتوبر او حتي بنو السد العالي او الاهرامات او ابو الهول او اصحاب الحضارة صدقوني انا والله باتكلم جد حد شاف واحد مصري . لايمكن ان يكون في مصري وساكت علي اللي بيحصله مياه ملوثه بالمجاري . خضار وبقي مسرطن . عبارات وبقيت تغرق ويموت الالاف . قطارات وبقت تنقلب وتولع ويموت الالاف . ظلم وبقي اكتر من الهم علي القلب . حتي الحريات بقيت اعمل اللي انت عايزه والحكومه تعمل فيك اللي هي عيزاه . والطيران بقي يقع . والتزوير بقي للركب ولا فتحي بيه سرور اللي مش عايز يغير كلمة " موافقة " . والبلعات لسه ملهاش غطيان . ولا الأسعار بقيت اللحمه ب 35 جنيه . والمرتبات يعيني متأكلش عيش حاف . وكمان مفيش شغل غير لولاد البيه . و التعليم باظ مع كل حاجه باظت في البلد . والجامعات ياعيني مش عارفه تطلع حتي من أحسن أول 100 جامعه علي العالم . و السرطان بقي منحه الحكومه لكل مواطن . والفشل الكلوي هديه مع السرطان . و المحسوبيه و الوسطه والكوسه بقي شعار حكومتنا . والخراب بقي انجازتهم اقول ايه بس مكلكم عرفين ده واكتر كمان بس هرجع ل سؤالي تاني حد شاف مصري بذمتكم لو في مصري بجد وشاف الكلام ده هيسكت او يخاف هيقول امشي جنب الحيط اللي وقعت علي دماغه ودماغ اهله وهوا مش حاسس هيقول اربي عيالي الي بقي مستقبلهم زفت و خراب بسبب جبننا وخوفنا يناس فكروا ولو لحظه عيال ايه اللي خايفين عليهم عشان كده سكتين عيالكم هيتشردوا لو متحركتوش وهيجوعوا وذنبهم في رقبتكم يعالم حرام عليكم اتحركوا مستنين ايه فقر وافتقرتم و جوع وشفتم و مرض وجه و بهدله وشفتم وكل حاجه بقيت زفت الزفت و انتوا فين لسه صفر علي الشمال لسه مفعول به مش نويين تبقوا فاعل ابداً طيب بجد لو حاد شاف مصري يبقي يقلي سلام لحسن طهقت

بناُ علي تعليمات السيد الرئيس

كم مرة سمعنا تلك المقوله العرجاء التي تكشف عن ان نحن في دوله الرجل الواحد الذي يملك كل شئ وباقي المؤسسات هي شكلية لا تستطيع التحرك بدون سيادته وهوا العليم بكل شئ من اول الطالبة الاء التي كتبت بحرية في موضوع التعبير الذي من المفترض انت تكتب فية اراءها ولكن كلاب السلطان لم يعجبهم فتم سقوطها ولكن نفاجأ ان بناً علي تعليمات السيد الرئيس يتم نجاح الطالبة كإن الوزارة منتظرة تعليمات الرئاسة وهيا لا حول ولا قوة هيا شكل فقط ومثال اخر عندما قال عادل امام ان له افلام واجهت صعوبات ( الجردل والكنكه , السفارة في العمارة ) هذه الافلام لم تخرج من النور الا بناُ علي تعليمات السيد الرئيس ومثال ثالث عندما رفض وزير العدل حكم القضاء لصالح القاضي لكي يتم علاجه في الخارج وطبعا جاء تدخل الرئيس ليحل الازمة ومثال رابع عند مناقشه المادة 76 لأول مرة كان كلاب السلطان ينبحوا في صوتهم ان ما نزل من عند مبارك ما هو الا بالحق ولاكن تدخل الرئيس بمكالمة تليفونية تغير مسار افكارهم ويشيدوا بعدها برائ الرئيس مع انهم كان لهم رائ اخر ولكن سبحان مغير الاحوال من حال الي حال فهل نستنتج هذا ان وزارة التربيه والعدل واعضاء مجلس الشعب كلهم طرطير ومنتظرين تعليمات السيد الرئيس الا يعلموا انهم داخل مؤسساتهم من المفترض ان يكون قادرين علي حل مشاكلهم ام نحن تغيرنا من دولة الحزب الواحد الا دولة الرجل الواحد مبارك فقط الا يعلموا ان مبارك بشر ما هوا برسول الا يعلموا انه بخطأ مثل البشر الا يعلموا اننا من المفترض اننا في دولة مؤسسات اذا لم يعلموا ذلك فالحل هوا الغاء تلك المؤسسات وجعل الرئيس هوا كل شئ , وربنا يخدكم يا طرطير السلطان ويخرب بيتكم ذي مخربتوا بيت البلد واشفكم انشاء الله في الاخرة , والسلام عليكم

مبارك الذي لا يخطأ

مبارك الذي لا ياتي الا بالحق كما يزعموا لنا اجهزة الاعلام الحكوميه متي اعترف مبارك بخطاء ارتكبه متي طلب من الشعب ان يغفر له هل مبارك علي مدي ربع قرن لم يخطاء ولا خطاء صغير علي فرض انه لم يخطاء كما يدعي كلاب امن الدوله المخلصين له وبائعي الوطن ويتغني بانهم خادمي الوطن وهم كلاب السلطان يا مبارك اعلم انك بشر وانك ستموت وان التاريخ هو الحي وسيذكرك التاريخ بكل عيوبك اعلم ان الله هو وحده الذي لا يخطاء والعناد ليست من صفات المؤمن او حتي العاقل يا مبارك ارحمنا ارحم وطن يغتصب من رجالك وامنك ومعاونيك وحاشيتك اعلم ان من ظلموا بعهدكم كثير وانك ستحاسب علي فرد فرد اعلم ان بسجونك 22الف معتقل ومنهم من اخذ حكم البراءة مرة و اثنين وعشرة ولم ينفذ اعلم ان التغير قادم لا محاله فهذه سنة الكون اعلم ان لن يدوم غير الله يا مبارك لقد تخطي بك العمر الكثير فلترضي الله بأخر ايامك اعلم ان كل من حولك لن ينفعوك بأخرتك اعلم ان الله قادر علي كل شئ وانت ضعيف امام قدرة الله يا مبارك انظر الي موريتانيا انظر كيف للمحاكم العسكريه ان تعطي للناس الديمقراطيه في انتخابات حقيقيه بدون ترشيح احد منهم انظر الي السنغال و الهند وجنوب افريقيا الم تشعر بالخجل ونحن في ذيل الامم مصر التي صنعت الاهرامات اصبحت لا تملك ان توظف ابناءها مصر لم تسطيع ان تنتج غذاءها يا مبارك اعمل ما يرضي ضميرك يامبارك كلمه اخيرة من كل مظلوم لك

حسبنا الله ونعم الوكيل

حالك يا مصر

من المحزن أن في عالمنا العربي تم تشويه للعلمانيه من قبل الحكام و الملوك اصحاب الفخامه والعظمة والسمو والسبب ان العلمانيه فكر سياسي والفكر سواء صح او خطأ سيؤدي الي وعي ثقافي لدي المواطن ومن المعروف ان الوعي يضر بكرسي اصحاب السمو لذلك اتجه هؤلاء الملوك الي تشويه صورة العلمانيه وكانوا يعلمون ان الشعب العربي يسهل الدخول اليه عن طريق الدين لذلك اتجهوا الي شيوخ السلطان وتم تشويه معني العلمانيه واصبح من يطالب بالعلمانيه كأنه يدعوا الي دين جديد مع إن انا لا اري وجه للمقارنه فالعلمانيه فكر سياسي وليست دين كي نقارنه بالاسلام وطبعا الشعب العربي بسبب نقص الوعي شوهت العلمانيه في فكره لدرجه انك تري في الشارع العربي من يهاجم العلمانيه وكانه يجهاد في سبيل الله دون ان يعلم ماهي العلمانيه وما اتجهاتها كل ما يعلمه كلمه واحده ( فصل الدوله عن الدين ) وطبعا طالما فيها اسم دين يبقي الفكر العربي يتجه الي الجهاد من اجل الدين دون ان يفكر ولو لحظه او يقرأ عن العلمانيه ولكن حان الوقت كي يعلم الشعوب العربيه عن ما هي العلمانيه وان يتم تزويده بالثقافه السياسيه ليعرف حقوقه و واجباته حان الوقت ان يعرف الفرد انه عضو مؤثر في الدوله وليس كما نري من نظام مستبد يجعل من عصابه يتحكمون بالشعب لدرجه ان اصبح الشعور العام اتجاه الشعب انهم تحصيل حاصل ( وكما يردد .. دي بلدهم مش بلدنا او .. واحنا هنعمل ايه مهما اللي عيزينوا هيعملوا ) يجب ان يعلم الشعب اننا قوة وليس ضعف و يجب ان يدرك ان كثير من بلدان العالم اصبحت اكثر منا رخاء وديمقراطيه وتقدم بسبب سلبيتنا ويجب ان يعلم الشعب ان المطالبه بالحق ليست شحاته من حاكم ظالم ويعلم ان هذه بلده وليس بلد الملوك والسياده ومن الممكن ان يطول الظلام لكن المؤكد ان نري الشمس .. نرجع الي موضعنا الاول ما هي العلمانيه , العلمانيه هيا فصل نظم الحكم عن شيوخ السلطان .. لماذا لان كثير ما يستغل الدين في الضحك علي الشعوب وليس معني هذا اباحة المحارم في المجتمع بل تطبيق الشريعه بين المواطنين مثال كلنا نعلم شيوخ الازهر والمفتي وكم هم اصبحوا يبيعون الدين للحاكم لدرجه اباحه الحرام وتحريم الحلال مثال اخر شعار( الإسلام هو الحل ) الذي يرفعه الاخوان هذا الشعار القاتل الذي يلعب بمشاعر الناس وعواطفهم دون ان يقدم حل حقيقي فللاسلام اتجاهات وتيارات وآراء واختلافات وافكار . اي اتجاه او اي فكر تقصد هل تريد الحكم بالفكر الوهابي ام السلفي ام الاسلام الليبرالي .... الخ سيطلع واحد منهم يقول الاسلام كما انزله محمد ( صلي الله عليه وسلم ) وهذا دليل علي استمرارهم بلعب بمشاعر الناس لقد اختلف علماء كثيرين في الاراء وانتم تعرفون ما انزل علي الرسول وصامتين انا لا ارفض ان يكون لكم مرجع ديني لكن اطالب ان تضعوا لكم منهج وآراء معروفه وليست مبهمه هل ننسي ان السادات كان يصف نفسه بالرئيس المؤمن وكان يعتقل المعارضين هل ننسي ان حكام السعوديه يصفون نفسهم بانهم خدام الحرمين وهم سارقي الشعوب هل ننسي معمر القذافي وهو وشيوخ السلطان من حوله ماذا يفعل بالشعب باسم الدين من فضلكم ارحمونا وضعوا برنامج واضح وصريح عن ماذا ستفعلون اتجاه عمل المراة او ماذا ستفعلوا اتجاه المسيحين الذين يرغبون في المشاركه في السلطه هل ترضي بمسيحي يكون رئيس للجمهوريه قبل ان يعترض احدكم يفكر ولو للحظه واحد هل مصر للمسلم فقط ام لجميع المصريين ومن المستفيد من شعور المسيحيين بالاضهاد وشعورهم انها ليست بلدهم هذه بلد لكل مصري وكل مصري من حقه ان يطمح في السلطه والذي يحكم مصر ليس بحاكم للمسلمين بل حاكم للمصريين ثانيا هل يريد اي مصري ان يري حزب اخواني وحزب مسيحي وحزب صوفي وحزب سلفي وحزب نوبي وحزب بدوي هل هذا ما نريده الفكرة من الاحزاب هيا خلق مناخ لتنافس الأفكار لزيادة وعي الشعوب وزيادة المنافسه الفكريه التي تخلق الابداع السياسي ولكن لو اصبحت الصراعات دينيه وليست فكريه واصبح التكفير منهج للحوار هل ستكون مصر في ذلك الوقت كما نريد .. اكرر لكي لا يفهمني البعض غلط تطبيق الشريعه بين الافراد امر واجب انا اتكلم بين العلاقه بين الحاكم والمحكوم والاحزاب وهذه النقطه تركها لنا رسولنا الكريم شوري بين المسلمين نداء اخير الي كل من يريد ان يفكر لكي ينهض بهذه الامه اوقفوا المتاجرة بالدين اوقفوا الفتاوي التي اصبحت كل لحظه واصبح من يعلم ومن لا يعلم يفتي اوقفوا السلبيه التي اصبحت من سمات المصري اوقفوا الجمود الذي يسمونه كلاب السلطان بالاستقرار . اي استقرار في ظل فساد وعنوسة تقدر ب 9 مليون وبطاله تقدر ب 8 مليون واستغلال سلطه اصبح في كل شئ ابن الرئيس عضو لجنه للسياسات ( معمولاله مخصوص عشان ده ابن البيه مبارك ) اي استقرار وكل ملوك الفساد حزب وطني ( العبارة وصاحبها ممدوح اسماعيل عضو مجلس شوري وكمان متعين بقرار من مبارك باشا - اكياس الدم الملوثه وصاحبها هاني سرور عضو مجلس شعب حزن وطني ( هذا الخطأ مقصود فهو اقرب للحزن من الحزب ) المبيدات المسرطنه والمتهم فيها وزير الحزن الوطني يوسف والي هل كل هؤلاء صدفه من الحزن الوطني من اجل مصر اتركوا السلبيه اتركوا الضعف والخوف لا تتعاطفو مع المتاجرين بالدين حرروا مصر واجعلوها للمصريين والسلام ختام